Narx-navo barqarorligi va mahsulotlar yetarliligi
deputat nazoratida 

Aholining kundalik ehtiyoji uchun eng zarur bo‘lgan
oziq-ovqat mahsulotlarining narx-navosi hamda zahirasi doimiy e’tiborni talab
etadi. 

Shu maqsadda, Xalq deputatlari tuman Kengashidagi
14-Mingtepa saylov okrugi deputati B.Abduraxmonov («Adolat» SDP fraksiyasi
a’zosi) tomonidan okrug hududidagi «Mingtepa» MFYda joylashgan savdo
shaxobchalarida navbatdagi o‘rganish ishlari olib borildi. 

O‘rganishning asosiy yo‘nalishlari: 

Ijtimoiy mahsulotlar: Un, yog‘, go‘sht, shakar va
kartoshka-piyoz kabi mahsulotlarning rastalarda yetarli ekanligi; 

Narx intizomi: Mahsulot narxlarining asossiz ravishda
oshirilishiga yo‘l qo‘ymaslik; 

Sifat va zahira: Iste’mol mollarining sifati va aholi
talabini qondirish darajasi. 

Tadbirkorlar bilan profilaktik suhbat 

14-Mingtepa saylov okrugi deputati B.Abduraxmonov
o‘rganish davomida tadbirkorlik subyektlari vakillari bilan yaqindan muloqot
qildi. Suhbat jarayonida aholiga qulaylik yaratish, bozor konyunkturasidan
kelib chiqib sun’iy narx oshirilishining oldini olish yuzasidan tushuntirishlar
berildi. 

Deputat tomonidan tadbirkorlarga insof mezonlariga
amal qilish va mahsulotlar uzluksizligini ta’minlash bo‘yicha tegishli
tavsiyalar taqdim etildi. 

“Bizning asosiy vazifamiz — saylov okrugimizdagi har
bir xonadon uchun zarur mahsulotlar arzon va sifatli bo‘lishini ta’minlashga
ko‘maklashishdir”, — deya ta’kidladi 14-Mingtepa saylov okrugi deputati.