Uchrashuv davomida Samarqand shahar hokimi Umarov Fazliddin Karimovich hamda, Xalq deputatlari Samarqand shahar Kengashi raisi Zayniddin Qarshiyev talabalar tomonidan ishlab chiqilgan startap loyihalar bilan yaqindan tanishdilar.

 Talabalar o‘zlarining innovatsion g‘oyalari, texnologik ishlanmalari va amaliy ahamiyatga ega loyihalarini taqdim etdilar. Har bir loyiha zamonaviy talablar asosida ishlab chiqilgani, iqtisodiy va ijtimoiy jihatdan muhim ahamiyat kasb etishi bilan e’tibor qozondi.

 Rahbarlar tomonidan taqdim etilgan startaplar atroflicha ko‘rib chiqilib, ularni yanada rivojlantirish, amaliyotga joriy etish va qo‘llab-quvvatlash yuzasidan aniq taklif va tavsiyalar berildi. Shuningdek, istiqbolli loyihalarni moliyaviy va tashkiliy jihatdan qo‘llab-quvvatlash masalalari ham muhokama qilindi.

 Uchrashuv davomida talabalar uchun yangi imkoniyatlar yaratish, ularning tashabbuslarini rag‘batlantirish va bandligini ta’minlash borasida muhim vazifalar belgilab olindi.

 Mazkur tadbir talabalar salohiyatini ro‘yobga chiqarish, innovatsion fikrlashni rivojlantirish hamda ta’lim va amaliyot o‘rtasidagi uzviy bog‘liqlikni mustahkamlashga xizmat qiladi.