Xalq deputatlari Qiziriq tumani Kengashi deputati B. Ochildiyev deputatlar o‘z okruglarida o‘rganishlar olib borishi yuzasidan ishlab chiqilgan haftalik taqsimotga ko‘ra tuman Kengashi kotibiyati mudiri K. Muhammadiyev bilan birgalikda joylarga chiqdi.

👥 O‘rganish davomida deputatlar Qiziriq tumanini ijtimoiy-iqtisodiy rivojlantirish yuzasidan belgilangan chora-tadbirlarni manzilli o‘rganish hamda samarali nazoratni amalga oshirish rejasiga muvofiq ish olib bordi.

📌 Xususan, O‘zbekiston Respublikasi Prezidentining 2025-yil 24-dekabrdagi “Surxondaryo viloyatining salohiyati va imkoniyatlaridan to‘liq foydalanish bo‘yicha qo‘shimcha chora-tadbirlari to‘g‘risida”gi PQ-386-sonli qarori asosida belgilangan vazifalar ijrosi yuzasidan o‘rganishlar olib borildi.

🏗️ Jumladan, tuman markazidagi “Yetimqum” mahallasi hududidan o‘tgan R-100 avtomobil yo‘li bo‘yidagi kollektordan foydalanishni takomillashtirish, uni yopiq tizimga o‘tkazish orqali hosil bo‘lgan qo‘shimcha yer maydonlaridan samarali foydalanish masalalari atroflicha ko‘rib chiqildi. Ushbu hududda savdo va xizmat ko‘rsatish obyektlarini tashkil etish orqali yangi ish o‘rinlari yaratish, aholiga qulayliklar yaratish hamda hudud iqtisodiy faolligini oshirish borasida amalga oshirilayotgan ishlar bilan yaqindan tanishildi.

👥 Shuningdek, loyiha doirasida amalga oshirilayotgan qurilish va obodonlashtirish ishlari, mavjud muammolar hamda ularni bartaraf etish bo‘yicha mas’ullar oldida turgan ustuvor vazifalar muhokama qilindi.

⚡️ Mazkur o‘rganishlar hudud infratuzilmasini yanada yaxshilash, investitsion jozibadorlikni oshirish, yangi tadbirkorlik subyektlarini tashkil etish hamda aholi bandligini ta’minlashga xizmat qiladi.

 (https://www.instagram.com/xalqdep_qiziriqtumani_kengashi?utm_source=qr&igsh=MjJ2OG4xOTh0dHY3)Qiziriq tumani Kengashi Axborot xizmati 

Rasmiy sahifalarimiz👇

Telegram (https://t.me/+h07HeUv_IP44MmUy) | Facebook (https://www.facebook.com/?ref=homescreenpwa) | E-kengash (https://kengash.gov.uz/qiziriq) |Instagram (https://www.instagram.com/xalqdep_qiziriqtumani_kengashi?utm_source=qr&igsh=MjJ2OG4xOTh0dHY3)