Xususan, Xalq deputatlari tuman Kengashi deputati Narxadjayeva Nazokat tomonidan “Yangiobod” mahallasida mahalla “yettilik” a’zolari ishtirokida uchrashuv o‘tkazildi. Uchrashuv davomida hududdagi ijtimoiy-iqtisodiy holat, aholini qiynab kelayotgan masalalar hamda mahallada amalga oshirilayotgan ishlar yuzasidan fikr almashildi.

Shuningdek, deputat tomonidan fuqarolar murojaatlarini o‘rganish maqsadida sayyor qabul tashkil etildi. Qabul davomida tashrif buyurgan fuqarolar o‘zlarini qiynayotgan muammo va takliflarini xalq vakiliga bayon qildilar.

Qabul davomida fuqarolardan, nafaqa tayinlash, moddiy yordam, bandlikni ta’minlash, kommunal va ijtimoiy sohalar va kadastr masalalari yuzasidan qator murojaatlar kelib tushdi.

Bildirilgan murojaatlar deputat tomonidan atroflicha o‘rganilib, ularni ijobiy hal etish yuzasidan tegishli mutasaddi tashkilotlarga so‘rovlar yuborilishi hamda masalalar deputatlik nazoratiga olinishi ta’kidlandi.