«Deputat máhállede» joybarı.   

Xalıq deputatları Taxtakópir rayonlıq Keńesiniń deputatı, "Dawir" mákan
puqaralar jıyını baslıǵı N.Primbetovtıń baslaması menen aymaqtaǵı "Nurlı
jol" kóshesin aqaba suw menen támiyinlewshi salmalardı qazıw hám tazalaw
jumısları ámelge asırılmaqta. 

Bul jumıslar sheńberinde 360 metrden aslam salma
qazılıp, tazalanbaqta. Bul bolsa "Nurlı jol" kóshesinde jaylasqan 25
shańaraqqa tiyisli qıytaq jerlerden nátiyjeli paydalanıw imkaniyatın jaratadı. 

Bul baslama máhálleniń abatlıǵın arttırıw hám xalıqtıń
abadan turmıs tárizin támiyinlew jolındaǵı áhmiyetli qádemlerden biri bolıp
esaplanadı.