Xalq deputatlari Xorazm viloyati Kengashiga 18-Yuqoribogʻ saylov okrugidan saylangan deputat G.Kurbanbayeva Urganch tumani, Arablar mahallasida saylovchilar bilan uchrashuv oʻtkazildi. 

Uchrashuvda saylovchilar aholiga gaz balonlari yetarlicha berilmayotganligi, ish bilan taʼminlash, uy-joyining kadastr hujjatlarini olish, imtiyozli kredit olish va boshqa masalalarda murojaat qildilar. 

Bundan tashqari Urganch tumani “Yuqoribogʻ” qishlogʻi hududidan oʻtuvchi davlat ahamiyatga ega umum foydalanuvidagi 4K598 Urganch-Yangibozor yoʻlida joylashgan zovur ustiga qurilgan koʻprik taʼmirtalab ahvolga kelib qolganligi, ushbu koʻprikni ham taʼmirlashda amaliy yordam koʻrsatishni soʻraldi.  

Uchrashuv davomida fuqarolarning murojaatlari yuzasidan talab va takliflari, ariza va shikoyatlari oʻrganildi. Mavjud muammolarning
aksariyati masʼullar ishtirokida hal etildi. Shuningdek, muloqot davomida koʻplab fuqarolarga ularni qiziqtirayotgan masalalar boʻyicha huquqiy
tushuntirish va maslahatlar berildi. 

Saylovchilar bilan bunday uchrashuvlar oʻtkazilishi davom ettiriladi.