Salomatlik — eng oliy
qadriyat: Mingtepa oilaviy poliklinikasidagi sharoitlar o‘rganildi 

Aholiga o‘z vaqtida, sifatli
va malakali tibbiy yordam ko‘rsatilishini ta’minlaganlik holati, tibbiyot
muassasalarida yaratilgan sharoitlar va dori-darmon ta’minoti Xalq deputatlari
tuman Kengashi deputatlarining doimiy nazoratidadir. 

Mazkur yo‘nalishdagi
navbatdagi nazorat tadbiri 14-Mingtepa saylov okrugidan saylangan deputat
(«Adolat» SDP deputatlik guruhi a’zosi) B. Abdurahmonov hamda Kengash
kotibiyati bosh mutaxassisi G. Xudoyqulova tomonidan Mingtepa hududida
joylashgan oilaviy poliklinikada amalga oshirildi. 

Jarayonda ishchi guruh
tomonidan quyidagi muhim jihatlarga alohida e’tibor qaratildi: 

Fuqarolarga ko‘rsatilayotgan
birlamchi tibbiy-sanitariya yordami sifati va tezkorligi; 

Tibbiyot xodimlarining
navbatchilik tizimi va bemorlarga bo‘lgan munosabati; 

Poliklinikaning zarur tibbiy
uskunalar va aholi uchun eng kerakli dori vositalari bilan ta’minlanganlik
darajasi. 

Inson qadrini ulug‘lash va
salomatligini muhofaza qilish maqsadida joylardagi tibbiyot maskanlari
faoliyatini yanada yaxshilash, mavjud muammolarni bartaraf etish borasidagi
deputatlik nazorati tadbirlari izchil davom ettiriladi. 

Telegram(http://t.me/PiskentTumaniKotibiyati) Facebook(https://www.facebook.com/share/1B4wErcYvP/