Chiqindilarni o‘z vaqtida olib ketish holati o‘rganildi.

Xalq deputatlari tuman Kengashining 1-Malikobod saylov okrugidan saylangan tuman Kengashi deputati G‘.Safarov hamda O‘zbekiston Ekologik partiyasi Qiziltepa tuman Kengashi raisi G.Rahmatova bilan birgalikda Malikobod OShPda chiqindilarni o‘z vaqtida olib ketish holati o‘rganildi.

O‘rganish davomida hududda sanitariya-tozalik qoidalariga rioya etilishi, chiqindilarni belgilangan muddatlarda olib chiqish hamda atrof-muhit musaffoligini ta’minlash masalalariga alohida e’tibor qaratildi.

Mutasaddilarga aniqlangan kamchiliklarni bartaraf etish hamda hududda ekologik holatni yanada yaxshilash yuzasidan tegishli tavsiyalar berildi.