DEPUTAT SORAWÍ UNAMLÍ SHESHILDI!

Xalıq deputatları Bozataw rayonlıq Keńesinen 12-sanlı “Aspantay” saylaw okrugi deputatı G.Jumanazarova okrug aymaǵındaǵı “Xiywa” awılındaǵı jer astı suwın dushshılandırıp beriwshi stanciyasındaǵı suw shıǵarıwshı nasos agregatınıń isten shıǵıwına baylanıslı búgingi kúnde aymaq turǵınları ishimlik suwı mashqala bolıp atırǵanlıǵı boyınsha “Qaqaqalpaq suw támiynatı” Akcinerlik jámiyeti Bozataw rayonı filialına deputatlıq soraw jollaǵan edi.

Bozataw rayonı suw támiyinatı filialınıń tiyisli qániygeleri tárepinen úyrenip shıǵıp Aspantay APJ Xiywa awılındaǵı jer astı suwdı dushshılandırıp beriwshi stanciyasındaǵı suw shıǵarıwshı nasos agregantı ońlanıp házirgi kúnde aymaq turǵınları ishimlik suw menen turaqlı támiyinlenip kelmekte.