#deputat_axboroti_Uchtepa #deputatlik_faoliyati

📝 Xalq deputatlari Uchtepa tumani Kengashi 13-Uchtepa saylov okrugi deputati Karimov Jamshid Fatxullayevich Uchtepa mahallasi hududidagi 14-sonli umumta'lim maktabi faollar zalida okrugidagi "Uchtepa" hamda "Yu.Sakkokiy" mahallalaridagi saylovchilar bilan uchrashuv o‘tkazib, 2025-yilning to‘rtinchi choragi davomida amalga oshirilgan deputatlik faoliyati yuzasidan axborot berdi.

📝 Axborot davomida deputat hisobot davrida tuman Kengashining sessiyalari va doimiy komissiyalar yig‘ilishlarida faol ishtirok etib, tumanda ijtimoiy-iqtisodiy rivojlanish, aholi murojaatlarini ko‘rib chiqish, mahallalar muammolarini tizimli hal etish masalalari muhokamasida qatnashganini ta’kidladi. Qabul qilingan qarorlar ijrosini joylarda ta’minlash va deputatlik nazoratini kuchaytirish ustuvor vazifa ekani qayd etildi.

🔎 Shuningdek, to‘rtinchi chorak davomida saylovchilar bilan uchrashuvlar o‘tkazilgani, fuqarolar qabullari tashkil etilgani, ommaviy axborot vositalari orqali deputatlik faoliyati yuzasidan chiqishlar amalga oshirilgani, ta’lim muassasalarida va jamoatchilik tadbirlarida ishtirok etilgani haqida ma’lumot berildi.

🗣 Uchrashuv davomida fuqarolar tomonidan bildirilgan murojaatlar va takliflar tinglanib, ularni belgilangan tartibda hal etish, bu borada tegishli tashkilotlar bilan hamkorlikni davom ettirish zarurligi ta’kidlandi. Bu borada Yu.Sakkokiy mahallasi 1-tor Shaharcha ko'chasi hamda Katta Cho'pon ota mahallasi oralig'idan o'tgan Bo'zsuv kanali bo'ylab joylashgan, diametri 300 mm bo'lgan ichimlik suvi quvurining ta'mirtalab ekanligi yuzasidan murojaat kelib tushib, u bo'yicha joyiga chiqib o'rganilganligi hamda Toshkent shahar suv ta'minoti Uchtepa tumani suv tarmoqlari bo'limiga tegishli deputat so'rovi yuborilganligi ta'kidlandi. Barcha murojaatlar deputat tomonidan nazoratga olinib, ularning qonuniy va tezkor ijrosini ta’minlash bo‘yicha ishlar olib borilishi bildirildi.

✅ Xalq deputatlari Uchtepa tumani Kengashi (https://t.me/xalqdeputatlariUchtepaKengashi)