📌 Deputatlar ishtirokida muhim masalalar muhokama etildi.

Yig‘ilish davomida Xalq deputatlari Samarqand shahar Kengashi deputatlari N.Bagirov hamda G.Raxmanova birgalikda so‘zga chiqib, 2026-yil — “Mahallani rivojlantirish va jamiyatni yuksaltirish yili” Davlat dasturi doirasida shahar hududlarida amalga oshirilishi rejalashtirilgan ustuvor vazifalar, aniq maqsadlar va uzoq muddatli strategik yo‘nalishlar yuzasidan batafsil ma’lumot berdilar.

🗺 Deputatlar o‘z chiqishlarida mahallalarda ijtimoiy infratuzilmani rivojlantirish, aholining turmush darajasini yaxshilash, yoshlar va xotin-qizlarni qo‘llab-quvvatlash, bandlikni ta’minlash hamda tadbirkorlik tashabbuslarini rag‘batlantirish masalalariga alohida e’tibor qaratdilar.

📊 Shuningdek, hududlarda olib borilayotgan deputatlik nazorati, fuqarolarning murojaatlari bilan ishlash amaliyoti, joylarda aniqlanayotgan muammo va kamchiliklar, ularni bartaraf etish bo‘yicha ko‘rilayotgan choralar xususida atroflicha to‘xtalib o‘tildi.

💬 Muzokaralar jarayonida so‘zga chiqqanlar deputatlik faoliyatini yanada samarali tashkil etish, aholi bilan ochiq va tizimli muloqotni yo‘lga qo‘yish, jamoatchilik nazoratini kuchaytirish, shuningdek, atrof-muhitni muhofaza qilish, yashil hududlarni kengaytirish va ekologik madaniyatni yuksaltirish bo‘yicha muhim taklif va tashabbuslarni ilgari surdilar.

🤝 Bildirilgan takliflar yig‘ilish ishtirokchilari tomonidan qo‘llab-quvvatlanib, ularni amaliyotga joriy etish yuzasidan kelishuvlarga erishildi.

✅ Yig‘ilish yakunida 2026-yilga mo‘ljallangan ustuvor vazifalar ijrosini ta’minlash maqsadida tegishli qarorlar qabul qilinib, mas’ul ijrochilarga aniq topshiriqlar yuklatildi, bajarilishi esa doimiy deputatlik nazorati ostiga olindi.

✅Mazkur yig‘ilish joylarda olib borilayotgan islohotlarning samaradorligini oshirish, mahallalar rivoji va aholi farovonligini ta’minlashga xizmat qilishi bilan ahamiyatlidir.