O‘zbekiston Respublikasi Oliy Majlisi Qonunchilik palatasi Mehnat, sog‘liqni saqlash va ijtimoiy masalalar qo‘mitasi a’zosi O‘razaliyeva Muqaddas O‘ktamovna Zomin tumani Sport maktabi faoliyati bilan yaqindan tanishdi. 

Tashrif davomida sport maktabidagi mashg‘ulot zallari, sport jihozlarining holati, o‘quv-mashg‘ulot jarayonining tashkil etilishi, shuningdek, yosh sportchilar uchun yaratilgan qulayliklar atroflicha ko‘zdan kechirildi.

Mavjud infratuzilma imkoniyatlari, ta’mirtalab joylar hamda sport turlarini rivojlantirishga to‘sqinlik qilayotgan ayrim muammolar joyida o‘rganildi.

Deputat sport maktabi rahbariyati va mas’ul xodimlar bilan suhbatlashib, sport sohasini yanada rivojlantirish, yoshlarni ommaviy sportga keng jalb etish, iqtidorli sportchilarni qo‘llab-quvvatlash bo‘yicha taklif va tavsiyalarini bildirdi.