Xalq deputatlari Xorazm viloyati Kengashi deputati R. Karimov, tuman Kengashi deputati J. Otajonov, mahalla raisi A. Babajonovlar ishtirokida mahallaning ijtimoiy-iqtisodiy holati o‘rganildi. Tashrif davomida aholining kundalik turmush sharoiti, mavsumiy ehtiyojlari va infratuzilma bilan bog‘liq masalalar atroflicha ko‘rib chiqildi. O‘rganish chog‘ida mahallaning kambag‘al va ehtiyojmand toifadagi xonadonlarida qish mavsumiga tayyorgarlik masalasiga alohida e’tibor qaratildi. Xususan, kambag‘al oilalar ro‘yxatida turgan ayrim xonadonlarda qish uchun zarur bo‘lgan ko‘mir zaxirasi yo‘qligi aniqlandi. Ushbu holat yuzasidan deputatlar tomonidan tezkor choralar belgilanib, mazkur xonadonlarga amaliy yordam ko‘rsatish belgilab olindi. “Varangzon” mahallasining ichki yo‘llari va ularning holati hamda mahalladagi jamoat transporti qatnovi o‘rganildi. Ba’zi chekka ko‘chalarda transport qatnovi yetarli emasligi o‘rganilib, tegishli tashkilotlarga deputat so‘rovi chiqarildi.