Uchko‘prik tumani hokimi ishtirokida aholi bilan to‘g‘ridan to‘g‘ri muloqot qilish, ularni qiynab kelayotgan muammolarni aniqlash va hal etish maqsadida navbatdagi fuqarolar qabuli o‘tkazildi. 

Qabulda xalq deputatlari tuman Kengashi deputatlari Qodirjon Erkaboyev va Isroiljon Turdaliyev, Xalq qabulxonasi mutasaddilari, ichki ishlar bo‘limi boshlig‘i Ilhomjon Ishankulov, tuman hokimi o‘rinbosarlari, soliq inspeksiyasi va mas’ul tashkilotlar
rahbarlari ishtirok etdi. Qabul davomida 37 nafar fuqaro tomonidan ijtimoiy-iqtisodiy, kommunal sohalar va mahalla infratuzilmasini yaxshilash kabi masalalarga oid taklif va murojaatlar bildirildi. 

Muammolarning aksariyatiga qabul davomida ijobiy yechim topildi. Ijrosi ma’lum muddat va qo‘shimcha o‘rganishni talab qiladigan murojaatlar bo‘yicha mutasaddi rahbarlarga ko‘rsatma va topshiriqlar berildi. 

  Xalq deputatlari Uchko‘prik tumani Kengashi kotibiyati