Xalq deputatlari shahar kengashining deputatlari S.Sabirov, Z.Turdibekova, X.Ibragimova va U.Abdunazarov tomonidan kengash ish rejasiga asosan navbatdagi sessiya kun tartibiga qo‘yilgan masalani joyiga chiqib o‘rganildi hamda tahlil etildi. Jumladan, kuz-qish mavsumiga tayyorgarlik yuzasidan shahar Tibbiyot birlashmasiga qarashli muassasalarga xizmat ko‘rsatuvchi qozonxonalar faoliyati o‘rganildi. Birlashmaning 7 ta davolash profilaktika muassasalarida 9 ta qozonxonalar va bu qozonxonalarda jami bo‘lib 23 ta qozonlari mavjud. Barcha qozonxonalar dudburonlari talab darajasida tozalanib, o‘rnatilgan gaz jihozlari texnik ko‘rikdan o‘tkazilib, dalolatnomalari tuzilgan, bosim saqlovchi klapanlar, qozonlar pasportlari mavjud, qozonlarning manometrlari davlat qiyoslovidan o‘tkazilgan. Isitish mavsumi davomida qozonxonalarning ishchi xodimlarini texnika xavfsizligi, yong‘in xavfini oldini olish va mehnatni muhofaza qilish bo‘yicha o‘qitish ishlari amalga oshrilmoqda. Bundan tashqari kuz-qish mavsumiga tayyorgarlik davrida muhandislik kommunikatsiyalarini ta'mirlash, asosiy qurilish materiallarini xarid qilish, mavjud isitish qozonlarini tamirlash uchun zarur bo‘lgan mablag‘larni aniq hisob-kitoblar asosida ajratish masalasi ham ko‘rib chiqildi. Generatorni ta’mirlash xarajati uchun 29,0 mln.so‘m mablag‘ qo‘shimcha ajratish to‘g‘risida kengash qaror loyihasiga kiritildi.