Xalq deputatlari Jalaquduq tuman Kengashining 5-Qo`shtepa saylov okrugidan saylangan deputati O.Xolmurotova o`z saylov okrugidagi aholi bilan doimiy muloqot o`rnatish, fuqarolarni qiynayotgan muammolarni aniqlash va ularni bartaraf etish yo`lida amaliy ishlar olib bormoqda. Deputat mahalliy hokimiyat organlari va jamoatchilik bilan hamkorlikda ish yuritishni muhim deb hisoblab, ayni paytda Qo`shterak mahalla fuqarolar yig`ini yettiligi bilan yaqin hamkorlikda faoliyat ko`rsatmoqda. Ushbu hamkorlik doirasida aholi bilan uchrashuvlar, xonadonma-xonadon suhbatlar tashkil etilmoqda. Ularda ishsizlikni qisqartirish, yoshlarni bandlikka jalb etish, infratuzilmani yaxshilash, ijtimoiy himoyaga muhtoj oilalarga yordam ko`rsatish kabi dolzarb masalalar muhokama qilinmoqda. O. Xolmurotova mahalladagi har bir murojaatni e`tibor bilan o`rganib, tegishli davlat tashkilotlari bilan hamkorlikda amaliy yechim topishga harakat qilmoqda. Shu orqali deputat fuqarolarning davlat organlariga bo`lgan ishonchini mustahkamlash, joylarda ochiq va samarali muloqot muhitini yaratishga hissa qo`shmoqda.