O‘zLiDep faollari tadbirkorlarni qadrladilar 

  Yurtimizda har yili 20 avgust – “Tadbirkorlar kuni” sifatida keng nishonlanib kelinadi.
Ushbu kasb bayrami g‘oyasi davlatimiz rahbari Shavkat Mirziyoev tomonidan 2021
yil 20 avgust kuni mamlakatimiz tadbirkorlari bilan o‘tkazilgan ochiq muloqot
chog‘ida ilgari surilgan bo‘lib, shu vaqtdan buyon tadbirkorlarning mehnati va
tashabbuskorligini qadrlash an’anaga aylandi. Har yili aynan shu kuni
Prezidentimiz biznes va ishbilarmon doira vakillari bilan ochiq muloqot
o‘tkazishi ham buning yorqin ifodasidir. 

  Bugun tumandagi Sanoatchilar mahalla fuqarolar yig‘ini binosida tuman O‘zLiDep
apparati rahbari Yu.Abdullaeva, xalq deputatlari tuman Kengashi kotibiyat
mudiri R.Nodirov, tuman hokimi o‘rinbosari M.Xolmatova O‘zLiDep faol a’zolari
tadbirkor ayollar bilan uchrashib, ularni kasb bayrami munosabati bilan samimiy
tabrikladilar. 

  Uchrashuv chog‘ida tadbirkorlarning yurtimiz taraqqiyoti va tumanda yangi ish o‘rinlari
yaratishdagi beqiyos hissasi alohida ta’kidlandi.  

Shuningdek, tadbirkorlarga bayram munosabati bilan estalik sovg‘alari topshirilib, ularning
mehnati va tashabbuskorligi yuksak qadrlandi.