Aholi
xavfsizligi — deputatlar e’tiborida! 

Farg‘ona tuman Xalq deputatlari Kengashining navbatdagi
doimiy komissiyalar qo‘shma yig‘ilishida tuman Ichki ishlar bo‘limi boshlig‘ining hisoboti muhokamasi
chog‘ida deputatlar tomonidan bir qator dolzarb masalalar ko‘tarildi. Ularning eng
muhimlaridan biri — tuman markazidagi “Sanoat”
mahallasi chorrahasida yo‘l harakati xavfsizligini ta’minlash, ya’ni piyodalar
va haydovchilar uchun qulay, xavfsiz sharoit yaratish masalasi bo‘ldi. 

Deputatlar tashabbusi va aholi murojaatlari asosida
bu chorrahaga zamonaviy svetofor o‘rnatish ishlari
boshlab yuborildi. Bu joydan har kuni yuzlab fuqarolar,
bolalar, kattalar va transport vositalari harakatlanadi. Ilgari
bu yerda yo‘lni kesib o‘tish fuqarolar uchun xavfli hisoblanardi. Endilikda esa
yangi svetoforning o‘rnatilishi bilan harakat tartibi aniq belgilanib, odamlar o‘zini
yanada xavfsiz his etadi. 

Bu
faqat texnik o‘zgarish emas — balki deputatlar
xalq ovozini eshitayotgani, har bir murojaat ortidagi inson taqdirini his etayotganining
amaliy ifodasidir.

Deputatlar tomonidan bildirilgan har bir taklif ortida yurtdoshlar manfaati, jamoat
xavfsizligi va tinchlikni ta’minlash maqsadi yotadi. 

“Sanoat”
mahallasi aholisi hamda ushbu hududda joylashgan 19-sonli
umumta’lim maktabida faoliyat olib boruvchi ustozlar ham bu tashabbusni mamnuniyat bilan kutib oldi. Ular
deputatlarga va tuman hokimligi hamda IIB rahbariyatiga o‘z minnatdorligini bildirdi. 

Xalq manfaati yo‘lida qilingan har bir amaliy ish — yurtimizdagi xavfsiz,
tinch va farovon hayotni mustahkamlashga xizmat qiladi!