Xalq deputatlari Jizzax shahar Kengashi kotibiyati majlislar zalida shahar Kengashining “Mahalliy byudjet, tadbirkorlikni rivojlantirish va iqtisodiy islohotlar bo‘yicha” doimiy komissiyasi tomonidan shahar Kengashining navbatdagi 11-sessiya yig‘ilishi muhokamasiga kiritiladigan masalalarni dastlabki tarzda ko‘rib chiqish maqsadida yig‘ilish o‘tkazildi.

Yig‘ilish kun tartibida:

1. Shahar hokimi birinchi o‘rinbosarining shaharni ijtimoiy-iqtisodiy rivojlantirish dasturlarini amalga oshirish, yangi ish o‘rinlari barpo etish va mahalliy byudjet daromadlarini oshirishning aniqlangan rezervlari to‘g‘risidagi hamda O‘zbekiston Respublikasi Prezidentining 2024 yil 20 dekabrdagi PF-223-sonli Farmoniining Jizzax shahridagi ijrosi yuzasidan 2025 yilning 6 oyi davomida amalga oshirilgan ishlar to‘g‘risidagi hisobotini eshitish. 

2. Jizzax shahar soliq inspeksiyasi boshlig‘ining 2025 yilning
II choragi davomida mahalliy byudjet daromadlari bajarilishi holati, qo‘shimcha rezervlarni aniqlash bo‘yicha qilingan ishlar, shuningdek soliqlar va boshqa majburiy to‘lovlar kesimida byudjetga hisoblangan va amalda to‘langanligi, ular bo‘yicha soliq qarzdorligi to‘g‘risidagi hisobotini eshitish.

3. Shahar byudjetining qo‘shimcha manbalaridan foydalanish to‘g‘risidagi masalalar ko‘rib chiqildi.