Prezidentimiz Shavkat Mirziyoyevning Ozarbayjonga qilgan davlat tashrifi — ikki qardosh davlat o‘rtasidagi hamkorlikni har tomonlama mustahkamlashga xizmat qilmoqda.

Men deputat sifatida ayniqsa transport va energetika sohalaridagi kelishuvlarga alohida e’tibor qaratmoqchiman. Bu yo‘nalishlar nafaqat davlatlarimiz iqtisodiy mustaqilligini, balki mintaqaviy barqarorlikni ta’minlashda ham strategik ahamiyatga ega.

Transport sohasida:

Ozarbayjon orqali O‘zbekistonning Yevropa, Qora dengiz va Kavkaz mintaqasiga chiqish imkoniyatlari kengaymoqda. Transkaspiy transport yo‘lagi, multimodal tashuvlar, logistika markazlari — bularning barchasi tashqi savdomizga yangi turtki beradi, eksportchilarimizga qulaylik yaratadi.

Energetika sohasida:

Qo‘shma loyihalar doirasida energetika infratuzilmasini modernizatsiya qilish, “yashil energiya” bo‘yicha tajriba almashish, elektr uzatish tarmoqlarini kengaytirish kabi tashabbuslar ikki tomon uchun ham manfaatlidir.

Bu sohalardagi hamkorlik natijalari nafaqat milliy darajada, balki hududlarda — xususan, sanoat zonalari, tadbirkorlar, eksportchi korxonalar faoliyatida amalda sezilishi kerak.

Shu bois xalq vakili sifatida joylarda bu imkoniyatlardan samarali foydalanish, muayyan loyihalarga ko‘maklashish va monitoring olib borish biz deputatlarning zimmasidagi muhim vazifadir.

Yangi yo‘llar, barqaror energiya, ochiq imkoniyatlar — bu hamkorlikning asl maqsadi!