Халқ депутатлари Гулистон
шаҳар Кенгаши депутати 19-сайлов округи депутати Ю.Усмонова томонидан Гулистон шахар Адлия бошкармаси билан хамкорликда жорий йилнинг
23 июл куни "Ҳуқуқий тарғибот
куни"тадбири ўтказилди. Бу каби тадбирларимиз
қонунчилигимизга киритилаётган ўзгаришлар ҳақида фуқароларга кенг маълумотлар
берилаётганлиги уларнинг фаоллигини, айниқса, ҳуқуқий билим ва маданиятини
оширишга ёрдам бермоқда, – дейди депутат Ю.Усмонова. Жамиятда ҳуқуқий
маданиятни юксалтириш орқали қонун устуворлигини таъминлашга, фуқароларнинг ўз
ҳуқуқ ва бурчларини яхши билишига, шунингдек, коррупцион ҳолатларнинг олдини
олишга алоҳида эътибор қаратилмоқда. Мутахассислар томонидан маҳалла
фуқаролар йиғинлари фаолиятининг ҳуқуқий асослари, тадбиркорлик ва ёшлар
сиёсати юзасидан маълумотлар берилди. Мазкур йўналишдаги ишларда сиёсий
партиялар, депутатларнинг ўрни ва роли асосий мақсад ва ғоялари хусусида сўз
юритилди. Тадбир
давомида мактабни тамомлаб, катта ҳаётга қадам қўяётган битирувчи ёшларга
яратилган шароитлар, уларнинг касб-ҳунар эгаллаши, техникум ва олий ўқув
юртларида таҳсилни давом эттириши учун яратилган имкониятлар ҳақида ҳам
гапирилди. Бир сўз билан айтганда, бу каби тарғибот тадбирлари аҳолининг
ҳуқуқий билимини оширишга, ҳуқуқбузарлик ва жиноятчиликнинг олдини олишга
хизмат қилмоқда.