Xalıq deputatları Qaraózek rayonlıq Keńesindegi hayal-qız deputatlar hám rayon hákimligi, shańaraq hám hayal-qızlar bólimi baslaması menen ayqlarda ushırasıwlamar dawam etpekte. Mádeniyat awıl puqaralar jıyını aymaǵında jasawshı hayal-qızlar ushırasıwında hákim orınbasarı R.Sagidullaeva hám aymaqtan deputat S.Sayımova máhálle belsendileri menen birgelikte órnekli analar, belsendi hayal-qızlar hám sociallıq qorǵawǵa mútáj, jumıssız qız, kelinshekler mirát etilip, tiykarınan shańaraq muqáddesligi, neke hám ajırım máselesi, sonday-aq, hayal-qızlar turmısına baylanıslı bir qatar máselelerde pikirlesilip, usınıslar ortaǵa taslandı. Aymaqta úlgili shańaraqlardıń ibratlı islerin en jaydırıw, bántlikti támiyinlew, úy miyneti, ónermentshilikti rawajlandırıw, bul baǵdarda jeńillikler hám imkaniyatlar atap ótilip, qatnasıwshılardıń mashqala, múrájatları tıńlandı hám ámeliy sheshimi boyınsha birgelikte wazıypalar belgilendi.