Oltinko‘l tumani hokimligi majlislar zalida Xalq deputatlari tuman
Kengashining navbatdagi еttinchi sessiyasi bo‘lib o‘tdi. Sessiya ishida
deputatlar, tashkilot va idoralar vakillari, shuningdek ommaviy axborot
vositalari ishtirok etdi. 

Kun tartibida tumanning ijtimoiy-iqtisodiy rivojlanishiga doir dolzarb
masalalar, mavjud muammolarni bartaraf etish bo‘yicha takliflar hamda Oliy
Majlisi Senatining mahalliy Kengashlar faoliyatini namunali tashkil etish
borasidagi qarorlar ijrosi muhokama qilindi. 

Sessiyada jami 14 ta masala ko‘rib chiqilib, har biri bo‘yicha tegishli
Kengash qarorlari qabul qilindi. Muhokamalar davomida mahallalardagi mavjud
holatlar, ijtimoiy sohalardagi islohotlar samaradorligini oshirish,
infratuzilmani rivojlantirish va fuqarolar murojaatlariga javobgarlikni
kuchaytirish masalalariga alohida e’tibor qaratildi.