Mamlakatimizda kambag‘allikni qisqartirish, aholi farovonligini oshirish, ijtimoiy himoya tizimini mustahkamlash bo‘yicha amalga oshirilayotgan islohotlar doirasida joylarda qator ezgu ishlar amalga oshirilmoqda. Xususan, Prezidentimizning  2023-yil 11-martdagi PQ-92-sonli  2024-yil 25-noyabrdagi PQ-405-sonli “Kambag‘allikdan farovonlik sari” dasturini amalga oshirishga qaratilgan qarorlar ijrosini ta’minlash maqsadida
G‘ozg‘on shahrida xayriya tadbirlari tashkil etildi.
Ushbu tadbirlar doirasida ijtimoiy himoya reyestriga kiritilgan ehtiyojmand oilalar farzandlariga parta va stullar, shuningdek, sport kiyimlari topshirildi.
Tadbirda  Xalq deputatlari G‘ozg‘on shahar Kengashi deputati Ergashova Mo‘taram Saʼdullayevna, “Nuroniy” jamg‘armasi shahar bo‘limi raisi M. Sharipov,  mutasaddi tashkilotlar rahbarlari ishtirok etib,
oilalarga samimiy tilaklar bildirildi.