Xalq deputatlari Piskent tuman Kengashi deputati,
O'zLiDeP deputatlik guruhi a’zosi Z.Maxmudova o‘zi saylangan 2-Navoiy saylov
okrugida aholi muammolarini o‘rganishda davom etmoqda.

Deputatning navbatdagi manzili "Navoiy" MFY,
A.Temur ko‘chasida yashovchi fuqaro Umarova Nodiraning xonadoni bo‘ldi.
O‘rganish jarayonida fuqaroning bandlik masalasi asosiy e’tibor markazida
turdi.

Muammo va Yechim:

Fuqaro N.Umarova ayni damda vaqtincha ishsiz ekanligi
ma’lum bo‘ldi.

Deputat tomonidan ushbu masalani tizimli hal etish
maqsadida mahalla xotin-qizlar faoli Eshonqulova Marxamat bilan hamkorlikda
muloqot tashkil etildi.

Muloqot natijasida N.Umarovaga zamonaviy va daromadli
kasblardan biri bo‘lgan "Bolalar massaji" o‘quv kursida tahsil olish
va keyinchalik o‘z faoliyatini yo‘lga qo‘yish taklifi berildi.

"Bizning vazifamiz — faqatgina ish bilan
ta’minlash emas, balki xotin-qizlarga o‘zlari qiziqqan sohada kasb egallashiga
ko‘maklashishdir. Yangi bilim va ko‘nikma ertaga albatta oila daromadiga
aylanadi," — deydi deputat Z.Maxmudova.

Uchrashuv yakunida fuqaroni o‘quv kursiga yo‘naltirish
va kelgusidagi bandligini ta’minlash deputat nazoratiga olindi.

Telegram
(http://t.me/PiskentTumaniKotibiyati) Facebook (https://www.facebook.com/share/1B4wErcYvP/