Xalq deputatlari Paxtakor tumani Kengashi deputati Do‘squlova Dilbar hamda mahalla faollari tomonidan Nurli Pangat mahallasida aholi bilan bevosita uchrashuvlar tashkil etildi. Ular xonadonma-xonadon yurib, fuqarolar holidan xabar oldi, turmush sharoitlari bilan yaqindan tanishdi.

Muloqot davomida aholini qiynayotgan ijtimoiy, maishiy va infratuzilmaviy muammolar tinglanib, har bir murojaat e’tibor markaziga olindi. Fuqarolar tomonidan bildirilgan taklif va mulohazalar joyida qayd etilib, ularni hal etish yuzasidan tegishli choralar ko‘rish masalalari muhokama qilindi.

Mazkur tashrif aholi bilan yaqin muloqotni yo‘lga qo‘yish, mavjud muammolarni o‘z vaqtida aniqlash hamda ularni bartaraf etish orqali hududda ijtimoiy barqarorlikni mustahkamlashga xizmat qilishi bilan ahamiyatlidir.