Xalq deputatlari Yunusobod tuman Kengashi deputati Natalya Voropayeva tomonidan Yunusobod tumani 15-mavze, “O‘zbekiston mustaqilligi” mahallasi, 51a, 51 va 49-uylar hovlisida joylashgan bolalar maydonchasidagi qator kamchiliklar aniqlandi.

O‘rganishlar davomida bolalar maydonchasida jarohatlanishning oldini oluvchi xavfsiz qoplama mavjud emasligi, maydoncha yaqinida sanitariya masofalari talablariga rioya etilmagan holda chiqindi to‘plash nuqtasi joylashgani, shuningdek, hudud yaqinida transformator podstansiyasi mavjudligi ma’lum bo‘ldi.

Mazkur holatlar bolalar hayoti va sog‘lig‘i uchun xavf tug‘dirib, sanitariya me’yorlari buzilishiga sabab bo‘lmoqda.

Ushbu masala yuzasidan tegishli tashkilotlar tomonidan zarur choralar ko‘rilishi, hududdagi kamchiliklar bartaraf etilishi va bolalar uchun xavfsiz muhit yaratilishi muhim ahamiyatga ega.