Navoiy shahridagi avtobus bekatlari holati o‘rganildi

Joriy yilning aprel oyida Xalq deputatlari Navoiy shahar kengashi kotibiyati tomonidan shahar avtobus bekatlari holati o‘rganildi. Tekshiruvda kotibiyat mudiri J. Hafizov va kotibiyat bosh mutaxassisi D. Toyirov ishtirok etdilar.

Mutaxassislar bekatlarning qulayligi, tozaligi, xavfsizligi va yo‘lovchilar uchun infratuzilmalar mavjudligini baholadilar. Kuzatuvlar natijasida ayrim bekatlarda o‘rinlar yetishmasligi, yoritish va xavfsizlik signalizatsiyasi nosozligi, yo‘nalish tablolarining buzilishi va chiqindilarni boshqarish bilan bog‘liq muammolar aniqlangan.

Rahbarlar ushbu kamchiliklarni bartaraf etish va bekatlarni zamonaviy talablar bilan moslashtirish zarurligini ta’kidladilar. Shahar ma’muriyati va transport tashkilotlari bilan hamkorlikda bekatlarni modernizatsiya qilish va nazoratni kuchaytirish bo‘yicha reja ishlab chiqildi.