Mahalliy Kengash deputati faoliyatining eng muhim yo‘nalishlari bo‘yicha tavsiyalar asosida xalq deputatlari Muzrabot tumani Kengashi raisi - 15-Baynalminal saylov okrugidan saylangan deputat Nurmahmatov Sayidali Mahmatqulovich tumandagi “At-Termiziy” mahallasi hududida joylashgan ta’lim muassasalarida o‘rganishlar olib bordi.

Xususan, Muzrabot tuman texnikumida yoshlarni kasb-hunar va xorijiy tillarga o‘qitish bo‘yicha yo‘lga qo‘yilgan namunaviy loyiha doirasidagi o‘quv jarayonlari, yaratilgan sharoitlar va amaliy mashg‘ulotlar uchun mo‘ljallangan ustaxonalarda olib borilayotgan ishlar ko‘rib chiqildi.

Deputat texnikumda yoshlar bilan muloqot qildi. Suhbat davomida yoshlarning qiziqishlari, o‘qish va mutaxassislikka bo‘lgan ehtiyojlari, kelajak rejalari tinglandi.

Ushbu ta’lim muassasasida jami 491 nafar o‘quvchilar quyidagi kasblar yo‘nalishlari bo‘yicha ta’lim olishmoqda.

Jumladan,

-Avtomobillarni taʼmirlash va ularga xizmat koʻrsatish,

- Raqamli axborotlarni qayta ishlash ustasi,

- Payvandlovchi (elektrgazpayvandlash ishlari),

- Tikuvchi,

- Traktorchi mashinist,

- Issiqxona va parnik xoʻjaligi laboranti,

- Kompyuter tizimlarida dasturchi,

- Elektromontyor,

- Yoʻl qurulishi, koʻtarma transport mashina va jixozlarini ishlatish,

- Bino va inshootlar qurilishi.

Sog‘lom turmush tarziga yo‘naltirish borasida ta’lim muassasida yoshlarning sport darslarida qatnashishlari va to‘garaklar uchun sport anjomlari bilan ta’minlanganligi o‘rganildi.

Sport turlari bo‘yicha 4 ta yo‘nalishda to‘garaklar tashkil etilgan. Sportning voleybol, futbol, shaxmat va shashka to‘garaklariga jami 117 nafar o‘quvchi yoshlar ishtirok etishmoqda.

Shuningdek, ta’lim muassasasida kutubxona faoliyati bilan ham tanishildi. Bunda mavjud kitoblar fondi, o‘quvchilar mutolaasi uchun yaratilgan sharoitlar, kitobxonlar obunasiga e’tibor qaratildi.

Deputat o‘rganish jarayonida aniqlangan kamchiliklarni bartaraf etish bo‘yicha tegishli ma’sullarga o‘zining tavsiya va takliflarini berdi.