Xalq deputatlari Paxtakor tuman Kengashi deputati Sarvar Ulugʻmurodov umumta’lim maktabi o‘qituvchilari bilan korrupsiyaga qarshi kurashish masalalariga bag‘ishlangan uchrashuv o‘tkazdi. Suhbat davomida ta’lim tizimida halollik va shaffoflikni ta’minlash, korrupsion holatlarning oldini olish, pedagoglarning bu boradagi mas’uliyati va huquqiy savodxonligini oshirish muhim ekani alohida ta’kidlandi.

Uchrashuvda o‘qituvchilar tomonidan berilgan savollarga atroflicha javoblar berilib, mavjud muammolar va ularning yechimlari muhokama qilindi. Shuningdek, korrupsiyaga qarshi kurashishda jamoatchilik nazorati va fuqarolik faolligining o‘rni yuqori ekani qayd etildi.

Yakunda deputat barchani qonunlarga hurmat ruhida ishlashga, yosh avlodni halollik va vatanparvarlik ruhida tarbiyalashda faol bo‘lishga chaqirdi.