Mahalla obodligi — yo‘l obodligidan boshlanadi

"Oqostona" MFY hududidagi "Nurli hayot" ko‘chasida istiqomat qiluvchi oqsoqol-nuroniylar va hoji otalar tomonidan ajoyib tashabbusga qo‘l urildi.

Mazkur ko‘cha faollari o‘z mablag‘lari hisobidan qatnov qismining chetida 300 metr masofaga piyodalar yo‘lakchasi hamda suv yo‘llarini (ariqlarni) betonlashtirish ishlarini olib bormoqdalar. Ushbu xayrli amal qishloq infratuzilmasini yaxshilash va aholi uchun qulaylik yaratish maqsadida amalga oshirilmoqda.

Xalq deputatlari Uzun tumani Kengashiga "Milliy tiklanish" demokratik partiyasidan saylangan deputat Azamjon Kamolov mazkur jarayon bilan yaqindan tanishdi. Deputat nuroniylarning bu kabi fidoyiligini alohida e’tirof etib, mahalla obodligiga qo‘shilayotgan hissa uchun o‘z minnatdorchiligini bildirdi.