Xalq deputatlari Amudaryo tumani Kengashining Xalq demokratik partiyasi deputatlik guruhining navbatdagi yig'ilishi bo'lib o'tdi. 

Yig'ilishda Amudaryo tumani Maktabgacha va maktab ta’limi bo‘limida O‘zbekiston Respublikasi Prezidentining 2025-yil 6-maydagi PF-76-sonli Farmoni ijrosi yuzasidan olib borilgan ishlar ko‘rib chiqildi. Bu borada tumanda ta’lim sifatini yangi bosqichga olib chiqish bo‘yicha tizimli ishlar amalga oshirilgan bo‘lib maktablarda zamonaviy pedagogik texnologiyalar joriy etishda, o‘quv dasturlari qayta ko‘rib chiqilib, kompetensiyaga asoslangan yondashuvga o‘tilgan. Shuningdek, umumta’lim maktablarida Farmon talablari asosida o‘quvchilarning o‘zlashtirish darajasini baholashning yangi baholash tizimiga 2024-2025-o‘quv yilida jami 7 ta maktab o‘tgan bo‘lsa, joriy 2025-2026-o‘quv yilida, jami 22 ta maktabda yangi baholashga tizimi joriy etilgan.

Rejaga muvofiq, 2026-o‘quv yilida Attestatsiya va akkreditatsiyasidan o‘tadigan maktab va maktabgacha ta’lim tashkilotlari tanlangan bo‘lib 24 ta maktab va 13 ta maktabgacha
ta’lim tashkilotlari Attestatsiya va akkreditatsiyasidan o‘tkazilgan. Yig‘ilish davomida deputatlik guruhi deputatlari tomonidan fikr va takliflar bildirilib maktabda ta’lim sifatini ta’minlash bo‘yicha tegishli qarorlar qabul qilindi.