🔹 Xalq deputatlari Bo‘stonliq tumani Kengashining 2026-yilga mo‘ljallangan Ish rejasiga muvofiq O‘zbekiston Respublikasi Prezidentining 2022-yil 7-martdagi PF-87-son Farmoni hamda Vazirlar Mahkamasining 2022-yil 31-martdagi 145-sonli qarori ijrosini ta’minlash maqsadida tumanda yettinchi bosqich “Ayollar daftari” ro‘yxatiga kiritilgan xotin-qizlarni qo‘llab-quvvatlash bo‘yicha amalga oshirilayotgan ishlar Xalq deputatlari Bo‘stonliq tumani Kengashi raisi O.Babayev, deputatlar E.Shokirov, A.Mannobov, kotibiyat xodimi N.Kurganova tomonlaridan tuman hokimi o‘rinbosari – oila va xotin-qizlar bo‘limi boshlig‘i L.Shodiyeva ishtirokida o‘rganildi.

🔹O‘rganish davomida tuman bo‘yicha “Ayollar daftari” ro‘yxatiga olingan jami 4400 nafar xotin-qizlarning birinchi toifasiga 60 nafarini tadbirkorlik yo‘nalishida o‘qitish bo‘yicha Xalqaro ishbilarmon ayollar assotsiatsiyasi hamda Germaniya davlatining “German Sparkassenstiftung” xalqaro korporatsiyasi tomonidan tashkil etilgan o‘quv-seminar mazmuni va sifati ko‘zdan kechirildi.

🔹Shuningdek, assotsiatsiyasining Toshkent viloyati kengashi rahbari S.Nosirova bilan xotin-qizlarda tadbirkorlik ko‘nikmalarini yaratish, biznes-rejalar ishlab chiqish bo‘yicha o‘quv dasturi yuzasidan suhbatlashildi.