Xalq deputatlari Olmazor tumani Kengashi deputati Ziyo Parizod tomonidan "Taraqqiyot" mahalla hududida yo‘l harakati xavfsizligini ta’minlash, avariyalar va xavf omillarini oldini olish maqsadida Yo‘l harakati xavfsizligi departamentiga rasmiy so‘rov yuborildi va yuborilgan so‘rov asosida departamentning mas’ul mutasaddilari mahalla hududni o'rgangani tashrif buyurdi.

So‘rovda aholidan kelib tushgan murojaatlar hamda mahallada o‘tkazilgan o‘rganishlar natijasiga ko‘ra, tezlikni oshirish holatlari ko‘pligi qayd etilib, hududga zamonaviy radar qurilmasini o‘rnatish zarurligi ta’kidlandi.

Mazkur masalaning o‘z vaqtida ko‘rib chiqilishi va tegishli choralar ko‘rilishi yo‘l harakati madaniyatini oshirish, piyodalar, ayniqsa yoshlar va o‘quvchilar xavfsizligini ta’minlashga xizmat qilishi alohida qayd etilgan.

️Deputat tomonidan yuborilgan so‘rov qonunchilikda belgilangan tartibda ko‘rib chiqilishi va natijalari yuzasidan mahalla aholisi muntazam xabardor etib borilishi belgilandi.