Xalq deputatlari tuman Kengashining 2026-yilga mo‘ljallangan ish rejasiga muvofiq O‘zbekiston Liberal demokratik partiyasidan saylangan deputat M.Mirabdullayev tomonidan tumanning “Besh-tut” mahallasida joylashgan 16-sonli umumta’lim maktabining kuz-qish mavsumiga tayyorgarlik holati o‘rganildi.

🔵O‘rganish davomida maktabda o‘quvchilar uchun qulay va xavfsiz ta’lim sharoitlarini yaratish, qish mavsumida sinf xonalarini bir maromda isitish hamda ta’lim jarayonining uzluksizligini ta’minlash borasida amalga oshirilgan ishlar ko‘zdan kechirildi.

🔵Ta’lim muassasasining kuz-qish mavsumiga puxta tayyorgarlik ko‘rishi o‘quvchilarning salomatligini muhofaza qilish, dars mashg‘ulotlarini belgilangan tartibda tashkil etish va maktabda munosib ta’lim sharoitlarini ta’minlashda muhim ahamiyat kasb etadi.
Mas’ullar ishtirokida isitish tizimi va qozonxonaning texnik holati ko‘rib chiqildi. O‘rganish natijasida isitish tizimi hamda qozonxona soz holatda ekanligi, shuningdek, qish mavsumida ta’lim muassasasini issiqlik bilan ta’minlash uchun zarur ko‘mir yonilg‘isi zaxirasi yaratilgani ma’lum bo‘ldi.

🔵Deputat tomonidan mavsum davomida isitish tizimi va qozonxonaning soz holatda ishlashini ta’minlash, yonilg‘i zaxirasidan oqilona foydalanish hamda ehtimoliy nosozliklarning oldini olish bo‘yicha profilaktik choralarni muntazam amalga oshirib borish zarurligi ta’kidlandi.