SESSIYA QARORLARI IJROSI USTIDAN DEPUTATLIK NAZORATI AMALGA OSHIRILMOQDA

Xalq deputatlari Namangan shahar Kengashining Korrupsiyaga qarshi kurashish va xavfsizlik masalalari bo‘yicha doimiy komissiyasi a’zolari tomonidan sessiyada qabul qilingan qarorlarning amaliy ijrosi yuzasidan muhokama o‘tkazildi.

Muhokama jarayonida qarorlar bilan belgilangan vazifalarning bajarilishi, ularning natijadorligi hamda fuqarolar xavfsizligini ta’minlash va huquqbuzarliklarning oldini olishga qaratilgan chora-tadbirlar ijrosi ko‘rib chiqildi.

Komissiya a’zolari tomonidan belgilangan vazifalarning bajarilishini muntazam o‘rganib borish, mas’ul tashkilotlar faoliyatiga doir masalalarni tahlil qilish va ijro jarayonida aniqlangan kamchiliklarni bartaraf etish muhimligi ta’kidlandi.

Mazkur muhokama deputatlik faoliyatining 24 ta eng muhim yo‘nalishi doirasida Kengash qarorlari ijrosini nazorat qilish, qonuniylikni mustahkamlash hamda aholi manfaatlarini himoya qilishga qaratilgan.

Yakunida sessiyada qabul qilingan qarorlar ijrosini ta’minlash, belgilangan topshiriqlar bajarilishini nazorat qilish va doimiy komissiya faoliyati doirasida bu boradagi ishlarni izchil davom ettirish zarurligi qayd etildi.