O‘zbekiston LiDePdan saylangan Xalq deputatlari Amudaryo tuman Kengashi deputati Yaxshimurat Axmedov hamda Kengash Kotibiyati bosh mutaxassisi Bobur Allaberganov tomonidan deputatlik faoliyatining eng muhim yo‘nalishlari doirasida navbatdagi amaliy o‘rganish tadbiri o‘tkazildi.

🎯 O‘rganishning asosiy maqsadi va yo‘nalishi: O‘zbekiston Respublikasi Prezidentining 2025-yil 10-sentyabrdagi "Mahallalarda yoshlar bilan ishlash tizimi samaradorligini oshirishga doir chora-tadbirlar to‘g‘risida"gi PF-163-son Farmoni ijrosini ta'minlash va joylarda yoshlar bilan ishlash tizimining natijadorligini oshirishdan iborat.

🔍 O‘rganish davomida 3-Do‘stlik saylov okrugidagi "Farovon" mahalla fuqarolar yig‘ini Yoshlar yetakchisi tomonidan amalga oshirilayotgan ishlar, yoshlarning muammolarini hal etish, ularni bandlik va tadbirkorlikka jalb qilish hamda bo‘sh vaqtlarini mazmunli tashkil etish borasidagi faoliyat samaradorligi atroflicha tahlil qilindi.

Uchrashuv yakunida mahalla yoshlari bilan ishlash tizimini yanada takomillashtirish va aniqlangan masalalarni bartaraf etish yuzasidan tegishli taklif hamda tavsiyalar berildi.