Xalq deputatlari Qo‘qon shahar Kengashiga 9-“Shaldiramoq” saylov okrugidan saylangan deputat F.Qaxxarova tomonidan “Shaldiramoq” mahalla fuqarolar yig‘inida Ijtimoiy reyestrga kiritilgan oilalarning yashash sharoitini o‘rganish ishlari olib borildi.

O‘rganish davomida Shaldiramoq ko‘chasi, 7-uy, 30-xonadonda istiqomat qiluvchi fuqaro X.Tuychiyevaning xonadoniga tashrif buyurilib, oilaning ijtimoiy ahvoli va kundalik ehtiyojlari bilan tanishildi.

Tashrif jarayonida fuqaro oilasiga ko‘rsatilgan ijtimoiy yordam choralari ham o‘rganildi. Ma’lum bo‘lishicha, “Saxovat va ko‘mak” jamg‘armasi tomonidan oila uchun vaucher ajratilib, ushbu vaucher asosida oziq-ovqat va kiyim-kechak mahsulotlarini xarid qilish imkoniyati yaratilgan.

Xonadonlarda olib borilayotgan bunday o‘rganishlar doirasida oilalarning ijtimoiy holati, ularga ko‘rsatilayotgan yordam turlari va mavjud qo‘llab-quvvatlash imkoniyatlari yuzasidan ma’lumotlar jamlanmoqda.

Xalq deputatlari Qo‘qon shahar Kengashi