Xalq deputatlari Qo‘qon shahar Kengashiga 22-“Charxini ko‘prigi” saylov okrugidan saylangan deputat G.Rasulova tomonidan “Yalang‘och ota” mahalla fuqarolar yig‘inida Ijtimoiy reyestrga kiritilgan oilalarning yashash sharoitlari va mavjud ehtiyojlarini o‘rganish maqsadida manzilli o‘rganish ishlari olib borildi.

O‘rganishlar davomida Parpashabof ko‘chasi, 41-uyda istiqomat qiluvchi N.Xakimova xonadoniga tashrif buyurilib, oilaning ijtimoiy ahvoli, yashash sharoiti va mavjud ehtiyojlari bilan tanishildi.

O‘rganish jarayonida mazkur oilaga bolalar nafaqasi tayinlangani ma’lum bo‘ldi. Shuningdek, fuqaroning oilasiga “Saxovat va ko‘mak” jamg‘armasi tomonidan vaucher asosida oziq-ovqat va kiyim-kechak mahsulotlarini xarid qilish uchun yordam ko‘rsatilgani qayd etildi.

Tashrif davomida oilani ijtimoiy qo‘llab-quvvatlash choralari, mavjud yordam turlaridan samarali foydalanish hamda kelgusidagi ehtiyojlarni o‘rganish masalalariga e’tibor qaratildi.

Xalq deputatlari Qo‘qon shahar Kengashi