Xalq deputatlari Qo‘qon shahar Kengashiga 22-“Charxini ko‘prigi” saylov okrugidan saylangan deputat G.Rasulova tomonidan “Yalang‘och ota” mahalla fuqarolar yig‘inida ijtimoiy xodim A.Ergashevaning O‘zbekiston Respublikasining “Nogironligi bo‘lgan shaxslarning huquqlari to‘g‘risida”gi O‘RQ-641-sonli Qonuni ijrosi yuzasidan olib borayotgan ishlari o‘rganildi.

O‘rganish davomida ijtimoiy xodim tomonidan nogironligi bo‘lgan shaxslar, yolg‘iz yashovchi keksalar hamda ijtimoiy himoyaga muhtoj fuqarolarni qo‘llab-quvvatlash, ularning ehtiyojlarini aniqlash va zarur ijtimoiy xizmatlarni ko‘rsatish borasida amalga oshirilayotgan ishlar yuzasidan batafsil ma’lumot berildi.

Taqdim etilgan ma’lumotlarga ko‘ra, joriy yilning o‘tgan davrida mahallada 121 ta oila, jami 403 nafar fuqaro ijtimoiy reyestrga kiritilgan. Shuningdek, 38 nafar nogironligi bo‘lgan fuqaroga ijtimoiy xizmatlar ko‘rsatib kelinmoqda.

Bundan tashqari, o‘tgan davr mobaynida aholining ijtimoiy ehtiyojlarini qondirish va ularni zarur yordam bilan ta’minlash maqsadida 279 ta vaucher berilgan.

O‘rganish jarayonida ijtimoiy xizmatlarning manzilliligi va samaradorligini oshirish, aholining ehtiyojmand qatlamini qo‘llab-quvvatlash hamda fuqarolarning qonuniy huquq va manfaatlarini ta’minlash masalalariga e’tibor qaratildi.

Xalq deputatlari Qo‘qon shahar Kengashi