Xalq deputatlari Yangiobod tuman Kengashi raisi, deputat X. Tilakov hamda tuman Kengashi deputati A. Isroilov Sarmich mahallasida mahalla faoli bilan uchrashib, hududda amalga oshirilayotgan ishlar, aholi bandligini ta’minlash borasidagi chora-tadbirlar va mahallaning bugungi holati yuzasidan muloqot olib bordilar.

Muloqot davomida mahallada amalga oshirilayotgan ishlar, ishsiz fuqarolarni aniqlash va ularni daromadli mehnatga jalb etish, tadbirkorlik tashabbuslarini qo‘llab-quvvatlash hamda aholining iqtisodiy faolligini oshirish masalalari muhokama qilindi.
Ayniqsa, mehnatga layoqatli fuqarolarni mavjud ish o‘rinlariga yo‘naltirish, kasb-hunarga o‘qitish imkoniyatlaridan samarali foydalanish, o‘zini o‘zi band qilish istagidagi fuqarolarga ko‘maklashish va oilalar daromadlarini oshirishga qaratilgan ishlarni izchil davom ettirish zarurligiga e’tibor qaratildi.

Shuningdek, mahallada amalga oshirilayotgan obodonlashtirish ishlari, aholini qiynayotgan masalalar va ularning yechimi bo‘yicha mahalla faollari bilan hamkorlikni kuchaytirish yuzasidan fikr almashildi.

Deputatlar aholi bandligini ta’minlash masalasiga yuzaki emas, balki har bir fuqaroning imkoniyati, kasbi va ehtiyojidan kelib chiqib yondashish muhimligini ta’kidladilar.

Mahallada amalga oshirilayotgan ishlar samaradorligini oshirish, mavjud muammolarni o‘z vaqtida aniqlash va ularni hal etish bo‘yicha tegishli chora-tadbirlarni amalga oshirish yuzasidan tavsiyalar berildi.