Xalq deputatlari Yangiobod tuman Kengashi deputati J.Yoqubov tomonidan Sarmich mahallasidagi simyog‘ochlarning holati tuman elektr tarmoqlari xodimlari bilan hamkorlikda joyiga chiqib o‘rganildi.

O‘rganish davomida hududdagi elektr ustunlarining texnik holati, mustahkamligi, elektr simlarining tortilishi va tarmoqlardan foydalanish xavfsizligi bilan bog‘liq masalalar ko‘zdan kechirildi. Shuningdek, uzoq muddat foydalanilgan va ta’mirlash yoki yangilashni talab etuvchi simyog‘ochlar holatiga alohida e’tibor qaratildi.

Aniqlangan holatlar yuzasidan tuman elektr tarmoqlari mas’ullari bilan fikr almashilib, mavjud kamchiliklarni bartaraf etish, eskirgan simyog‘ochlarni yangilash hamda elektr ta’minoti infratuzilmasining xavfsizligini ta’minlash bo‘yicha tegishli vazifalar belgilandi.