💧 ИЧИМЛИК СУВИ ТАЪМИНОТИ ЙЎНАЛИШИДАГИ ИШЛАР ЎРГАНИЛДИ

Халқ депутатлари Уйчи туман Кенгаши депутати, туман ҳокими Музаффар Абдуллаев  аҳолига сифатли ва узлуксиз ичимлик суви етказиб бериш, соҳадаги мавжуд муаммоларни бартараф этиш ҳамда хизмат кўрсатиш сифатини яхшилаш бўйича амалга оширилаётган ишлар билан танишди.

Шу мақсадда туман ҳокими «Ғайрат оби ҳаёт» ичимлик суви таъминоти йўналишида фаолият юритаётган нодавлат нотижорат ташкилотида бўлди. Ташриф давомида ташкилотнинг иш жараёни, аҳолига кўрсатаётган хизматлари, ичимлик суви таъминоти ҳолати ҳамда хизмат кўрсатиш сифатини ошириш борасида амалга оширилаётган ишлар кўздан кечирилди.

Шунингдек, соҳадаги мавжуд муаммолар, уларни бартараф этиш чоралари ва аҳолига янада сифатли ҳамда қулай хизмат кўрсатиш масалалари муҳокама қилинди.

Масъулларга ичимлик суви таъминоти билан боғлиқ масалаларни доимий назоратга олиш, мавжуд муаммоларни тезкор бартараф этиш ва аҳоли мурожаатларига алоҳида эътибор қаратиш бўйича тегишли вазифалар белгиланди.

💧 Сифатли ва узлуксиз ичимлик суви — аҳоли саломатлиги, қулай турмуши ва фаровон ҳаётининг муҳим омили.