Xalq deputatlari Qo‘qon shahar Kengashi deputati G.Payg'amova tomonidan saylovchilar bilan o‘tkazilgan uchrashuvlar davomida bildirilgan murojaat asosida navbatdagi deputatlik so‘rovi yuborildi.

Saylovchilar bilan uchrashuvlar davomida Qo‘qon shahar “Yangi obod” MFY, A.T. Xuqandiy mavzesi, 117-uy, 38-xonadonda yashovchi, boquvchisini yo‘qotgan yolg‘iz ona Rustamova Nagirahonnning 1 nafar voyaga yetmagan farzandi bilan istiqomat qilishi va ta’mirtalab xonadonini ta’mirlashda yordamga muhtojligi yuzasidan murojaat bildirildi.

Mazkur masalaga amaliy yechim topish maqsadida deputat tomonidan Qo‘qon shahar “Inson” ijtimoiy xizmatlar markazi boshlig‘i J.Mirzayevga deputatlik so‘rovi yuborildi.

Deputatlik so‘rovida R.Nagirahonnning xonadonini ta’mirlash masalasini joyiga chiqqan holda o‘rganish, fuqaro bilan uchrashib, mavjud muammoni aniqlash hamda imkoniyatlardan kelib chiqib amaliy yordam ko‘rsatish so‘ralgan.

Shuningdek, so‘rovda xonadonni ta’mirlash ishlari qachon va qanday tartibda amalga oshirilishi, mazkur masala yuzasidan ko‘riladigan choralar va mavjud imkoniyatlar haqida aniq ma’lumot hamda asoslantirilgan tushuntirish berish talab qilingan.

Mazkur masala deputat nazoratiga olingan bo‘lib, deputatlik so‘roviga qonunchilikda belgilangan muddatda javob olinishi hamda amalga oshirilgan ishlar yuzasidan qo‘shimcha ma’lumotlar taqdim etilishi nazorat qilinadi.

Xalq deputatlari Qo‘qon shahar Kengashi