O‘zbekiston Adolat Sotsial-demokratik partiyasidan saylangan Xalq deputatlari Amudaryo tuman Kengashi deputati, Kotibiyat mudiri Mansur Urazbayev deputatlik faoliyatining eng muhim yo‘nalishlari doirasida tumanimizdagi 2-sonli texnikumda bo‘ldi.

O‘rganishlar davomida asosiy e’tibor kuz-qish mavsumiga tayyorgarlik holati, xususan, muassasadagi isitish tizimining barqaror va muammosiz ishlashiga qaratildi.

Xususan:
🔹 Binoning isitish tizimlari, qozonxonalar holati va ularning shayligi ko‘zdan kechirildi;
🔹 O‘quv xonalari hamda amaliyot xonalaridagi harorat me’yorlariga rioya etilishi masalalari muhokama qilindi;
🔹 Mavsum davomida yuzaga kelishi mumkin bo‘lgan muammolarni oldini olish va talaba-yoshlar uchun issiq va qulay sharoit yaratish bo‘yicha tegishli tavsiya hamda ko‘rsatmalar berildi.
"Aholimiz, ayniqsa, kelajagimiz bo‘lgan yoshlarning qishning sovuq kunlarida munosib sharoitlarda bilim olishlarini ta’minlash — ustuvor vazifamizdir," — deya ta’kidladi deputat.
Mavsumga tayyorgarlik bo‘yicha deputatlik nazorati va o‘rganish ishlari davom etmoqda.