Aholiga va ta’lim muassasalariga munosib sharoit yaratish, kuz-qish mavsumini bexatar hamda betalafot o‘tkazish doimiy deputatlik nazoratida.

Xalq deputatlari Amudaryo tuman Kengashidagi “Adolat” SDP deputatlik guruhi a’zosi M.Urazbayev mutasaddi mas’ullar ishtirokida tumandagi 1-sonli umumta’lim maktabida bo‘lib, kuz-qish mavsumiga tayyorgarlik holatini atroflicha o‘rgandi.

Maktabdagi isitish tizimi va qozonxonalarning texnik sozligi;
Elektr energiyasi va tabiiy gaz (suyultirilgan gaz) ta’minotidagi barqarorlik;
Muassasani ko‘mir hamda muqobil yoqilg‘i zaxirasi bilan yetarli darajada ta’minlanganligi;
Sinf xonalarining issiqlik saqlash imkoniyati va deraza-eshiklarning holati o`rganildi.

Deputat faoliyati va hududdagi amaliy ishlar
M.Urazbayev nafaqat kuz-qish mavsumiga tayyorgarlik, balki tumandagi ta’lim sifatini oshirish, maktablarning moddiy-texnik bazasini mustahkamlash hamda saylovchilar murojaatlari bilan ishlashda ham faoliyat yuritib kelmoqda. O‘rganish jarayonida deputat maktab jamoasi va o‘qituvchilar bilan ham muloqot qilib, uning faoliyatida ustuvor bo‘lgan "Ta’limda adolat va teng imkoniyatlar" tamoyili doirasida mavjud muammolarni tingladi.

O‘rganishlar natijasida aniqlangan ba’zi texnik kamchiliklarni tezkor bartaraf etish yuzasidan mas’ul tashkilot rahbarlariga tegishli tavsiya va ko‘rsatmalar berildi hamda ijrosi deputatlik nazoratiga olindi.