3-sonli oilaviy poliklinikada ta’mirlash ishlari o‘rganildi

Xalq deputatlari Namangan shahar Kengashi deputati I.Kamolov tomonidan 3-sonli oilaviy poliklinikada olib borilayotgan ta’mirlash ishlari bilan tanishildi.

O‘rganish davomida tibbiyot muassasasi binosining tashqi fasadini ta’mirlash, obodonlashtirish hamda belgilangan qurilish-ta’mirlash ishlarining borishi ko‘zdan kechirildi.

Mas’ullar bilan suhbat davomida 3-sonli oilaviy poliklinikaning tashqi fasadini ta’mirlash ishlari Mustaqillik bayrami arafasida yakunlanishi rejalashtirilgani ta’kidlandi.

Shuningdek, ta’mirlash ishlarini sifatli amalga oshirish, hududni obodonlashtirish hamda aholi uchun qulay va zamonaviy sharoitlarni ta’minlash masalalariga alohida e’tibor qaratildi.

Mazkur o‘rganish aholiga tibbiy xizmat ko‘rsatish uchun munosib shart-sharoitlar yaratish hamda tibbiyot muassasalarida olib borilayotgan ta’mirlash ishlarining samaradorligini ta’minlash maqsadida amalga oshirildi.