Prezident qarori ijrosi joyiga chiqib o‘rganildi

Shahar Kengashi kotibiyati mudiri N. Ubaydullayev hamda deputat O. Yusupov boshchiligida Kengash xodimlari ishtirokida 7-Nurafshon okrugi “Baynalmilal” mahalla fuqarolar yig‘inida O‘zbekiston Respublikasi Prezidentining 2023-yil 21-dekabrdagi PQ-402-son qarorining ijrosi joyiga chiqib o‘rganildi.

O‘rganish jarayonida mazkur qaror doirasida hududda amalga oshirilayotgan ishlar, belgilangan vazifalarning bajarilish holati hamda erishilayotgan natijalar atroflicha tahlil qilindi. Xususan, mahallada ijtimoiy-iqtisodiy rivojlanish ko‘rsatkichlari, aholi bandligini ta’minlash, infratuzilmani yaxshilash, obodonlashtirish ishlari hamda aholi murojaatlari bilan ishlash tizimining samaradorligiga alohida e’tibor qaratildi.

Shuningdek, mavjud muammo va kamchiliklar aniqlanib, ularni bartaraf etish, belgilangan vazifalar ijrosini jadallashtirish hamda aholiga yaratilayotgan shart-sharoitlarni yanada yaxshilash yuzasidan tegishli taklif va tavsiyalar ishlab chiqildi. Mas’ul tashkilotlarga aniq topshiriqlar berilib, ijro intizomini kuchaytirish zarurligi ta’kidlandi.