Xalıq deputatları Bozataw rayonlıq Keńesiniń Jaslar másláhát toparı aǵzası G.Sarıbaeva tárepinen jas deputatlar hám jámiyetlik belsendi jaslardıń qatnasıwında "Jas deputatlar hám belsendi jaslar: ideyadan - ámelge!" atamasında seminar shólkemlestirildi.
Seminardıń tiykarǵı maqseti - jaslardıń jámiyetlik belsendiligin arttırıw, olardı jergilikli máselelerdi sheshiw processlerine keńnen tartıw, sonıń menen birge jas deputatlar menen belsendi jaslar arasında óz-ara baylanıstı bekkemlewden ibarat.
Seminar dawamında jas deputattıń jámiyettegi ornı, saylaw okrugindegi jaslardıń máselelerin úyreniw, olardıń usınıs hám ideyaların tiyisli tártipte kóteriw, deputatlıq sorawlar arqalı máselelerdi sheshiwdegi ámeliy qádemler haqqında pikir alısıldı.
Sonıń menen birge, "Ideya → baslama → háreket → nátiyje" qaǵıydası tiykarında jaslardıń óz ideyaların anıq baslamalarǵa aylandırıwı hám jámiyet rawajlanıwına úles qosıwı haqqında pikirler bildirildi.