DEPUTATLIK NAZORATI

Xalq deputatlari Qo‘shko‘pir tuman Kengashi deputati N. Ibragimova Dovud mahallasida viloyat prokurori o‘rinbosari X. Yоvbosarov hamda tuman hokimining birinchi o‘rinbosari S. Pirnaрasov bilan birgalikda ro‘yxatga olingan kambag‘al oilalar xonadonlarida bo‘lib, ularning yashash sharoiti, ijtimoiy holati va mavjud muammolarini o‘rgandi.
O‘rganish davomida oilalarning ehtiyojlari, daromad manbalari hamda mavjud imkoniyatlari bilan yaqindan tanishilib, kambag‘allikni qisqartirish, aholi bandligini ta’minlash va oilalarning barqaror daromad manbalarini shakllantirish masalalariga alohida e’tibor qaratildi.
Shuningdek, X. Yоvbosarov va S. Pirnaрasov tomonidan mahalla yettiligiga kambag‘al oilalarning iqtisodiy imkoniyatlarini kengaytirish, mavjud muammolarni manzilli hal etish hamda ularning daromadlarini oshirish bo‘yicha tegishli tavsiya va ko‘rsatmalar berildi.
Deputatlik nazorati davomida har bir oilaning muammosiga individual yondashish, fuqarolarni qo‘llab-quvvatlash choralarini kuchaytirish hamda aholining farovonligini oshirishga qaratilgan amaliy ishlarni izchil davom ettirish muhimligi ta’kidlandi.
Uchrashuv davomida fuqarolarning ijtimoiy-iqtisodiy masalalar va kundalik muammolar yuzasidan qilgan murojaatlari atroflicha oʻrganib chiqildi. Koʻtarilgan masalalarning aksariyati joyida ijobiy hal etilib, qonuniy yechimi topildi.
Mazkur sayyor qabullar xalq va deputat korpusi oʻrtasidagi oʻzaro ishonch koʻprigini mustahkamlash, shuningdek, hududlardagi mavjud muammolarni oʻz vaqtida bartaraf etishda muhim omil boʻlib xizmat qiladi.